fbpx
Fréttir

Elísabetu vikið úr Femínistaspjallinu fyrir að standa með þolendum vændis – Mikil ólga innan hópsins eftir brottreksturinn

Óðinn Svan Óðinsson
Föstudaginn 17. ágúst 2018 10:19

Mikil ólga ríkir innan Facebook-hóps Femínista á Íslandi eftir að Elísabetu Ýr Atladóttur, femínista var vikið úr hópnum í gær. Elísabet segist í samtali við DV hafa verið rekin úr hópnum fyrir að vera ósammála stjórnendum um vændi og hvernig það birtist. Stjórnandi hópsins sem telur tæplega 4.000 femínista segir í færslu að Elísabet hafi sýnt ítrekaða svívirðilega hegðun gagnvart jaðarsettu fólki.

Málið má rekja til færslu sem skrifuð var á síðuna í gær þar sem einn notandi velti því upp hvernig best væri að þýða enska orðið „Sex Worker.“ Heitar umræður um vændi sköpuðust í kjölfarið þar sem Elísabet fór mikinn. Skömmu síðar var henni vikið úr hópnum.

„Mér var vikið úr hópnum fyrir að vera ósammála stjórnanda um hvað vændi er og hvernig það birtist, en ég tek því ekkert persónulega. Það er kannski hægt að sjá það þannig að ég hafi verið látin fara fyrir að standa með þolendum vændis, en ég held að það væri einföldun á frekar flóknu máli,“ segir Elísabet í samtali við DV.

Hún segir málið vera viðkvæmt sem erfitt sé að rökræða í hópi sem þessum. „Mörg þeirra sem eru ósammála mér um þessi mál styðja þolendur vændis á einn eða annan hátt, en vilja bara ekki horfast í augu við hvað vændi er og hversu skaðlegt það er, hvernig þolendur vændis eru þolendur útaf vændi. Þetta er ákveðinn skoðanamismunur sem er erfitt að rökræða við marga því þetta er að sjálfsögðu tilfinningamál,“ segir hún.

Eftir að í ljós kom að Elísabetu hefði verið vikið úr hópnum stigu margir notendur fram og lýstu yfir stuðningi við hana. Töluverður hópur þeirra yfirgaf í kjölfarið hópinn. „Mér finnst ekki samræmast þolendavænni stefnu að vísa manneskju á dyr fyrir að standa með þolendum. Það samræmist heldur ekki mínum skilningi á opinni umræðu og virðingu fyrir skoðunum annarra að skrúfa niður rödd einstaka aðila án skýringa eða fyrir það eitt að standa með þolendum. Algerlega ótækt að taka þátt í samtali um svo mikilvæg mál á grundvelli þöggunar. Bless,“ skrifaði einn ósáttur meðlimur.

Annar ósáttur meðlimur hvetur notendur til að taka sér tak. „Djöfull skitu adminur upp á bak í dag með því að reyna að white-wash’a vændi og vísa út manneskju sem stendur með þolendum. Step up your game.“

Eftir brottreksturinn fékk Elísabet fjöldann allan af póstum frá fólki sem lýsti yfir stuðningi við hana. „Ég hef fengið skilaboð með allskonar stuðning sem mér finnst ótrúlega fallegt. Ég er samt ekkert að stressa mig á þessu,“ segir Elísabet að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 20 klukkutímum

Tugir vændiskvenna í miðbænum: Niðurstaðan er sláandi og allt í boði

Tugir vændiskvenna í miðbænum: Niðurstaðan er sláandi og allt í boði
Fréttir
Fyrir 21 klukkutímum

Ormur fannst í auga kvenna á Íslandi – Viðbjóðsleg frásögn í Læknablaðinu

Ormur fannst í auga kvenna á Íslandi – Viðbjóðsleg frásögn í Læknablaðinu
Fréttir
Í gær

105 ára kona deilir leyndarmálinu sínu að baki langlífinu

105 ára kona deilir leyndarmálinu sínu að baki langlífinu
Fréttir
Í gær

30 ára dómur féll eftir 30 ár

30 ára dómur féll eftir 30 ár
Fréttir
Fyrir 2 dögum

Uppnám á glæpalausu eyjunni: „Nú þurfum við að setja upp öryggismyndavél“

Uppnám á glæpalausu eyjunni: „Nú þurfum við að setja upp öryggismyndavél“
Fréttir
Fyrir 2 dögum

„Þetta hefur verið skemmtilegt ævintýri, en Hrókurinn er rétt að byrja!“

„Þetta hefur verið skemmtilegt ævintýri, en Hrókurinn er rétt að byrja!“