Sprengja fannst á Blikastaðanesi, skammt frá golfklúbbi Mosfellsbæjar um klukkan eitt í dag. Það er Mbl.is sem greinir frá þessu en talið er að sprengjan sé úr seinni heimsstyrjöldinni.
Aðkomunni að golfklúbbnum hefur verið lokað en sprengjan fannst þegar verið var að vinna við að endurnýja lagnir á svæðinu. Fram kemur í frétt Mbl að fjórir lögreglubílar og tveir sérsveitabílar séu mættir á staðinn auk sjúkrabíls.