fbpx
Fréttir

Hótuðu manni barsmíðum ef hann tæki ekki pening út úr hraðbanka

Auður Ösp
Miðvikudaginn 18. júlí 2018 19:18

Hinir ákærðu lögreglumenn undrast hörku lögregluembættisins í Vestmannaeyjum. Ljósmynd: DV/Hanna

Héraðsdómur Suðurlands hefur úrskurðað að þeir Hafsteinn Oddsson og Heimir Gylfason skuli hvor um sig sæta 6 mánaða fangelsi fyrir tilraun til ráns. Hafsteinn var jafnframt sakfelldur fyrir minniháttar líkamsárás og hinn fyrir umferðarlagabrot.

Fram kemur í ákæru að Hafsteinn og Heimir hafi aðfaranótt föstudagsins 18. mars 2016 hótað karlmanni  líkamsmeiðingum í því skyni að hafa af honum fjármuni. Fóru þeir með manninn að Landsbankanum að Bárustíg  í Vestmannaeyjum þar sem Hafsteinn fór með manninn inn í anddyri bankans þar sem hraðbanki er staðsettur og reyndi að neyða hann til að taka fjármuni út úr hraðbankanum. Hafsteinn meinaði manninum ítrekað að komast út úr anddyri bankans er hann gerði tilraun til þess. Á meðan beið Heimir beið fyrir utan anddyri bankans og stóð vörð er verknaðurinn átti sér stað en Hafsteinn hafði áður beðið hann að aðstoða sig við verknaðinn.

Samkvæmt frumskýrslu lögreglu kom brotaþolinn aðfaranótt 26.mars 2016 til að tilkynna um brotið var hann áberandi ölvaður og snöktandi. Þá bar hann áverka á hnakka sem eru í samræmi við frásögn hans um að hafa verið barinn í hnakkann.

Fram kemur að Hafsteinn sjáist  ásamt brotaþolanum á upptöku úr eftirlitsmyndavél í hraðbankanum. Þá gat brotaþolinn gefið afgerandi lýsingu á Heimi, en fyrir liggur að þeir þekktust ekkert fyrir atvikið.

Fyrir dómnum neituðu báðir mennirnir sök en Hafsteinn sagðist þó kannast við að hafa verið í hraðbankanum með brotaþolanum umrætt sinn. Hann gat hins vegar ekki gefið neinar frambærilegar skýringar á því.  Á meðan sagði Heimir að hann hefði verið að fá sér bjór á Lundanum þetta kvöld og hitt Hafstein.  Þeir hefði verið slakir og fengið sér bjór. Heimir sagðist hafa farið heim að sofa eftir þetta og sagðist ekkert muna eftir að hafa hitt einhverja fleiri inni á staðnum eða að Hafsteinn hefði beðið hann um að aðstoða sig við eitthvað. Sagðist hann hafa farið heim.

Að mati dómsins var framburður þeirra beggja fyrir dómi ótrúverðugur og afar brotakenndur en hvorugur þeirra sagðist muna eftir þessu kvöldi af nokkru viti. Framburður brotaþolans við aðalmeðferð þótti hins vegar afar trúverðugur og heilsteyptur.

Þeir voru því báðir fundir sekir um tilraun til ráns en ekki var  talið upplýst að Heimir hefði tekið þátt í því að hóta manninum líkamsmeiðingum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 11 klukkutímum

Með slatta af kannabisefnum í bílnum

Með slatta af kannabisefnum í bílnum
Fréttir
Fyrir 11 klukkutímum

Guðlaugur segir njósnað um sig: „Þá fékk ég bara símtal frá Birgi Ottóssyni sem segist hafa verið að kíkja á gluggana heima hjá mér“

Guðlaugur segir njósnað um sig: „Þá fékk ég bara símtal frá Birgi Ottóssyni sem segist hafa verið að kíkja á gluggana heima hjá mér“
Fréttir
Í gær

Guðmundur ber Kristinn saman við Trump: „Hann heitir Kristinn og var næstum því að eyðileggja vinnustað“

Guðmundur ber Kristinn saman við Trump: „Hann heitir Kristinn og var næstum því að eyðileggja vinnustað“
Fréttir
Í gær

Þjófnaðurinn á skútunni virðist hafa verið vel undirbúinn – „Hið undarlegasta mál“

Þjófnaðurinn á skútunni virðist hafa verið vel undirbúinn – „Hið undarlegasta mál“