Fréttir

Fimmtán ár í súginn: Bíræfinn þjófur í miðbænum rændi Adelino Guinness-metinu

Tómas Valgeirsson
Föstudaginn 22. júní 2018 12:00

Reiðhjóli var stolið í Bankastræti á dögunum en það var í eigu hins heimsþekkta ferðalangs Adelino Manuel Lopes. Síðustu 15 ár hefur hann ferðast um heiminn á hjóli með allan sinn búnað í þeim tilgangi að vera nefndur í heimsmetabók Guinness. Markmiðið er að hætta árið 2020.

Adelino var staddur við Deli og Subway í Bankastræti þegar hann áttaði sig á þjófnaðinum, en ekki er nóg með að farartæki hans hafi glatast, heldur tapaði hann einnig öllum helsta farangri sínum. Í þeim búnaði voru skissur, myndir, kort og ritgerðir sem hann hafði safnað að sér á liðnum árum.

Óhætt er að segja að ekki sé um venjulegt reiðhjól að ræða, heldur líka ferðaheimili kappans, eins og sjá má að neðan.

Adelino Manuel (58) er ættaður frá Portúgal og hefur hjólað 58,000 km síðan hann hóf lífsstíl sinn sem reiðhjólamaður árið 2003.

Facebook-notandinn Kim Wagenaar birti neðangreinda stöðufærslu og segir að fimmtán ára vinna hjá manninum sé farin út um þúfur ef hjólið og búnaðurinn finnst ekki. Sagt er að ferðalangurinn sé í gríðarlegu uppnámi og yfirgefi landið á allra næstu dögum.

Uppfært kl. 13:15 – Hjólið er fundið en farangurinn er ennþá glataður. Óljóst er að svo stöddu hver staða Guinness-metsins er með þessari nýju vendingu í málinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Fréttir
Í gær

Heimir eftirsóttur – Fengið fyrirspurnir frá bæði félagsliðum og landsliðum

Heimir eftirsóttur – Fengið fyrirspurnir frá bæði félagsliðum og landsliðum
Fréttir
Í gær

Þjóðin syrgir brotthvarf Heimis: „Takk fyrir allt þú hrausta hetja“

Þjóðin syrgir brotthvarf Heimis: „Takk fyrir allt þú hrausta hetja“
Fréttir
Fyrir 3 dögum

Þetta er ódýrasta áfengið í ÁTVR: „Ekki allar hetjur klæðast skikkjum“

Þetta er ódýrasta áfengið í ÁTVR: „Ekki allar hetjur klæðast skikkjum“
Fréttir
Fyrir 3 dögum

Hæsti hiti ársins í Reykjavík í dag

Hæsti hiti ársins í Reykjavík í dag