Christine Lagarde, forstjóri Alþjóðagjaldeyrissjóðsins, segir að aukna hættu á áföllum í alþjóðafjármálakerfinu. Hún segir að enn sé bjart yfir og útlitið sé gott en þó sé farið að glitta í svört ský. Þetta sagði hún á ráðstefnu í Berlín á mánudaginn.

Hún sagði að skýin verði dekkri með hverjum degi. Sum þeirra tengjast þrengingum á fjármálamörkuðum og önnur fjármagnsstreymi frá nýmörkuðum. Hún sagði að dekksta skýið sem vofir yfir sé skortur á trausti sem er tilkomið vegna tilrauna til að breyta gangi viðskipta og tengsla ríkja og hvernig alþjóðastofnanir starfa.

Hún er þar væntanlega að vísa til aðgerða Donald Trump, Bandaríkjaforseta, sem vill miklar breytingar á alþjóðaviðskiptum til að rétta hag Bandaríkjanna sem hann segir hafa farið illa út úr alþjóðaviðskiptum á undanförnum áratugum. Trump hefur lagt refsitolla á innflutt ál og stál og boðar enn frekari tolla á erlendar vörur.