fbpx
Fréttir

Pólitískt öngþveiti á Ítalíu veldur skjálfta á fjármálamörkuðum

Kristján Kristjánsson
Miðvikudaginn 30. maí 2018 20:30

Fjárfestar í Bandaríkjunum og Asíu horfa nú taugaóstyrkir til Ítalíu en þar er mikið pólitískt öngþveiti þessa dagana og það hefur áhrif á alþjóðlega fjármálamarkaði. Hlutabréf lækkuðu í verði á bandaríska hlutabréfamarkaðnum í gær og var lækkunin sú mesta í margar vikur. Evran er einnig undir þrýstingi enda ítalska hagkerfið stórt og vegur þungt í evrusamstarfinu.

Eftir að ríkisstjórnarmyndun mistókst er ekki annað að sjá en að Ítalir verði að ganga að kjörborðinu enn einu sinni og kjósa til þings. Þeir eru svo sem ekki óvanir því enda hafa 65 ríkisstjórnir setið við völd þar í landi síðan síðari heimsstyrjöldinni lauk. Kosningar á Ítalíu geta orðið kosningar um framtíð evrusamstarfsins en flokkar sem eru fullir efasemda um evrusamstarfið sem og ESB-samstarfið hafa átt nokkuð góðu gengi að fagna undanfarið. Fjárfestar hafa því leitað í öruggari fjárfestingar en ítölsk hlutabréf.

Talsmaður Hvíta hússins sagði í gærkvöldi að bandarísk stjórnvöld fylgist náið með þróun mála á Ítalíu.

Gengi evrunnar gagnvart Bandaríkjadal hefur ekki verið lægra síðan í júlí 2017 en það hefur lækkað um fjögur prósent í maí.

Fjárfestar hafa áhyggjur af að Ítalir kunni að yfirgefa evrusamstarfið en margir sérfræðingar telja þó ólíklegt að svo fari þar sem þá muni ítalskir stjórnmálamenn ýta þjóðinni fram af bjargbrúninni efnahagslega.

En fari svo að Ítalir yfirgefi Evrusamstarfið mun það hafa mikil áhrif enda er ítalska hagkerfið það þriðja stærsta innan evrusamstarfsins. Hætt er við að skuldakreppan, sem Grikkir fóru illa út úr, gjósi upp á nýjan leik enda þykir mörgum hætt við að ef Ítalir yfirgefa evrusamstarfið taki mjög óábyrg fjármálastjórn við þar í landi á nýjan leik.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 9 klukkutímum

Bíl Alexöndru stolið – Nokkrum tímum síðar var þjófurinn látinn – „Ég brast í grát“

Bíl Alexöndru stolið – Nokkrum tímum síðar var þjófurinn látinn – „Ég brast í grát“
Fréttir
Fyrir 11 klukkutímum

Guðlaugur segir njósnað um sig: „Þá fékk ég bara símtal frá Birgi Ottóssyni sem segist hafa verið að kíkja á gluggana heima hjá mér“

Guðlaugur segir njósnað um sig: „Þá fékk ég bara símtal frá Birgi Ottóssyni sem segist hafa verið að kíkja á gluggana heima hjá mér“
Fréttir
Fyrir 11 klukkutímum

Braggabókhaldið: Ólafur skrifaði nautasnitsel á braggann

Braggabókhaldið: Ólafur skrifaði nautasnitsel á braggann
Fréttir
Í gær

Þjófnaðurinn á skútunni virðist hafa verið vel undirbúinn – „Hið undarlegasta mál“

Þjófnaðurinn á skútunni virðist hafa verið vel undirbúinn – „Hið undarlegasta mál“
Fréttir
Í gær

Verktakar ósáttir við að Prime Tours fái áfram að aka fötluðum

Verktakar ósáttir við að Prime Tours fái áfram að aka fötluðum
Fréttir
Fyrir 2 dögum

Mikið annríki hjá lögreglunni – Þetta gerðist í þínu hverfi – Yfirlit

Mikið annríki hjá lögreglunni – Þetta gerðist í þínu hverfi – Yfirlit
Fréttir
Fyrir 2 dögum

Dóttir Sifjar var vistuð í fangaklefa í geðrofi: „Erfiðasta sem ég hef upplifað að horfa upp á litlu stelpuna mína í þessum aðstæðum“

Dóttir Sifjar var vistuð í fangaklefa í geðrofi: „Erfiðasta sem ég hef upplifað að horfa upp á litlu stelpuna mína í þessum aðstæðum“