NASA, geimvísindastofnun Bandaríkjanna, hefur greint frá því að besti möguleikinn til að finna líf í okkar sólkerfi sé undir ísnum á einu tungli Júpiters sem kallast Evrópa. Þetta er ekki fyrsta skipti sem tunglið kemst í fréttinar, en ný gögn frá NASA benda hinsvegar til þess að líkurnar hafi aldrei verið meiri til að finna líf í sólkerfinu okkar.

Evrópa er eitt af stærstu tunglum Júpiters og er svipað í stærð og tungl okkar jarðarbúa, en er þó mjög frábrugðið okkar tungli. Andrúmsloftið er að miklu leyti súrefni og er yfirborð tunglsins þakið ís. Þykja þessir kostir auka möguleikana á því að finna líf samkvæmt vísindamönnum NASA.

ESA, Geimvísindastofnun Evrópu, ætlar árið 2022 að senda geimfar til tunglsins til að kanna frekari möguleika á hvort líf sé á tunglinu.