Litlu mátti muna að illa færi í Kringlunni í dag þegar flís úr lofti efstu hæðar verslunarmiðstöðvarinnar losnaði og féll niður þrjár hæðir. Samkvæmt eirikurjonsson.is splundraðist flísin í opnu rými á fyrstu hæð. Að sögn Eiríks munaði nær engu að flísin hafi lenti á konu með ungt barn í kerru.
Konunni brá gífurlega og þurfti verslunarfólk í nærliggjandi búðum að stökkva til að veita henni aðstoð. Eiríkur segir að konan hafi fengið taugaáfall og hafi grátið án afláts. „Þarna mátti engu muna,“ hefur Eiríkur eftir einni afgreiðslustúlku.
