Handknattleiksdeild ÍBV og Sigurður Bragason, aðstoðarþjálfari meistaraflokks karla í handknattleik, hafa komist að samkomulagi um að Sigurður stígi til hliðar um óákveðinn tíma í öllum störfum fyrir félagið.
Ákvörðun um þetta er tekin eftir að Sigurður réðist á Theodór Sigurbjörnsson eftir að liðið fagnaði sigri í bikarúrslitalum í Laugardalshöll um helgina. Vísir greindi frá málinu í gær, en í fréttinni kom fram að Sigurður hafi gist fangageymslur eftir árásina.
Theodór hlaut skurð fyrir ofan vinstra augað eftir árásina.
Í tilkynningu sem ÍBV birti í morgun kemur fram að ákvörðunin um að Sigurður stigi til hliðar sé tekin í ljósi framangreindra atburða.
„Það skal tekið fram að Sigurður og Theodór hafa náð sáttum enda félagar til margra ára. Við hörmum atburðinn og vonum að stuðningsmenn og velunnar ÍBV snúi bökum saman félaginu til heilla.“