Sendiráð Íslands um gjörvallan heim hafa fjárfest í bifreiðum undir starfsmenn sendiráðanna fyrir tæplega 100 milljónir króna. Alls hefur 21 bifreið verið keypt en þrjár bifreiðar hafa verið teknar á rekstrarleigu. Það eru sendiráðin í Ottawa, Winnipeg og Berlín sem eru að leigja bíla fyrir 626–702 þúsund krónur á ári. Kaupin á bifreiðunum fara í gegnum sjálft utanríkisráðuneytið en athygli vekur að bifreiðar sendiráðanna eru misjafnar að gæðum milli landa. Þannig kostnaði sendiráðsbifreiðin í Peking 7,6 milljónir króna og er af gerðinni BMW 525 Li. Á meðan þarf sendiráðið í Nýju Delí í Indlandi að gera sér að góðu bifreið af gerðinni Renault Duster sem kostaði rétt rúmlega eina milljón króna. Þetta kemur fram í svari við fyrirspurn DV frá utanríkisráðuneytinu.
(Kort af heiminum með litlum bílum)
Moskva – VW Touran Tdi – 2.158.286
Genf – BMW 530 – 6.135.428
Nuuk – Hyundai SantaFe 2,2 CRDI aut. 4wd – 6.530.061
Nýja Delí – Renault Duster – 1.050.301
Washington – Lincoln Continental Livery – 4.740.190
London – BMW G12 740 Li Saloon B58 – 6.541.811
Peking – BMW 525 Li – 7.621.192