Fréttir

Fyrrverandi borgarfulltrúi VG: „Ég er alkóhólisti. Sonur minn er alkóhólisti.“

Ágúst Borgþór Sverrisson
Þriðjudaginn 6. nóvember 2018 20:00

„Ég er alkóhólisti. Sonur minn er alkóhólisti. Börnin hans, barnabörnin mín tvö, eru ekki alkóhólistar enda tæplega tveggja ára og rúmlega sex. Sem hefðbundinn afi sé ég ekki sólina fyrir þessum börnum og vona svo innilega að þau sleppi við ættarsjúkdóminn.“ Þetta skrifar Þorleifur Gunnlaugsson, sem er fyrrverandi borgarfulltrúi VG og var áberandi í borgarpólitíkinni fyrir fáum árum.

Þorleifur stígur fram í tilefni af Ákalli SÁÁ, átaki til varnar sjúkrahúsinu Vogi, í pistli á Kvennablaðinu. Undirskriftasöfnun er í gangi á netinu þar sem stjórnvöld eru hvött til að auka árleg framlög til Vogs um 200 milljónir til að útrýma biðlista eftir áfengis- og vímuefnameðferð. „Það kostar ekki meira að leysa bráðasta vandann,“ segir á vefsíðu átaksins.

Þorleifur á tvö barnabörn sem eru ung að árum og hann þráir heitast að þau sleppi við ættarsjúkdóminn – alkóhólisma. En rannsóknir bendi til arfgengis hans og hættan er mikil. Þorleifur bendir á að alkókólismi sé ekki sjálfskaparvíti, heimska eða synd. Þetta sé krónískur sjúkdómur, sambland erfða- og umhverfisþátta, „sem sest að í heilanum eftir að viðkomandi hefur innbyrt X mikið af áfengi eða öðrum vímuefnum í X langan tíma. Þá hefur heilinn breyst þannig að ekki verður aftur snúið.“

Þorleifur skrifar enn fremur:

„Þessi sjúkdómur er ekki læknanlegur frekar en aðrir krónískir sjúkdómar en hann er meðhöndlanlegur. Það bjargaði mínu lífi og gerbreytti lífi sonar míns sem fékk að alast upp á edrú heimili frá því hann var 9 ára gamall. Samt varð hann alkóhólisti. Eflaust hefur þetta uppeldi þó haft þau áhrif að hann náði að þroskast og mennta sig áður en neyslan varð alvarlegt vandamál, sem aftur gerði honum auðveldara að hætta neyslunni áður en fyrsta barnabarnið mitt fæddist.“

Þorleifur skrifar enn fremur:

„Við sonur minn erum alkóhólistar og ég get ekki annað sagt en að eftir að við urðum edrú hafi okkur tekist að höndla áskoranir lífsins nokkuð vel og þau sem skipta mig mestu máli nú, barnabörnin mín, fengið að alast upp á farsælan máta.“

Þorleifur segist bera þá ábyrgð, meðal annars vegna velferðar barnabarna sinna, að stuðla að velferð SÁÁ og Vogs. Pistil hans í heild má lesa á vef Kvennablaðsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Ingibjörg mætti reiða karlinum: „Hann ræður ekki lengur för og mun ekki þagga niður í konum framar, hvorki mér né öðrum“

Ingibjörg mætti reiða karlinum: „Hann ræður ekki lengur för og mun ekki þagga niður í konum framar, hvorki mér né öðrum“
Fréttir
Fyrir 2 dögum

Jón vill að líkum Kristins og Þorsteins verði komið heim: „Ég var þeirra ferðafélagi og átti að vera í þessu“

Jón vill að líkum Kristins og Þorsteins verði komið heim: „Ég var þeirra ferðafélagi og átti að vera í þessu“
Fréttir
Fyrir 2 dögum

Þýskur banki sagður ætla að hefja starfsemi hér á landi á næstu vikum

Þýskur banki sagður ætla að hefja starfsemi hér á landi á næstu vikum
Fréttir
Fyrir 2 dögum

Vigfús – Fingur hans voru brotnir einn af öðrum af handrukkurum

Vigfús – Fingur hans voru brotnir einn af öðrum af handrukkurum