Gestur vikunnar hjá okkur í Stóru Málunum er að þessu sinni Björn Leví, þingmaður Pírata. Björn Leví hefur undanfarið óskað eftir gögnum varðandi akstursgreiðslur þingmanna og hefur Ásmundur Friðriksson, þingmaður Sjálfstæðisflokksins ásakað Björn um eineltis tilburði varðandi fyrirspurnir hans. Páll Magnússon, þingmaður Sjálfstæðisflokksins tjáði sig einnig á dögunum um málið og sagði að Björn Leví væri hreinlega að ásaka Ásmund um þjófnað og það væri ekki líðandi.
Björn Leví fer yfir málið með Vali Grettissyni og Bjartmari Alexanderssyni í nýjasta þættinum af Stóru Málunum ásamt titringi innan Pírata sem hefur leitt af sér úrsagnir úr flokknum. Hér að neðan má hlusta á þáttinn í heild.