fbpx
Þriðjudagur 19.febrúar 2019
Fréttir

Danmörk – Morðinginn notaði farsíma fórnarlambsins til að mynda dauðastríðið

Kristján Kristjánsson
Þriðjudaginn 23. janúar 2018 08:00

Ekki missa af Helstu tíðindum dagsins í pósthólfið þitt

Lesa nánar

Að kvöldi 24. maí á síðasta ári fór 70 ára bókhaldari til starfa á skrifstofu sinni á Aldersrogade, sem er á milli Austurbrúar og Norðurbrúar, í Kaupmannahöfn. Þar leigði hann skrifstofuaðstöðu ásamt nokkrum öðrum fyrirtækjum. Síðar um kvöldið kom eiginkona hans á staðinn en þá mætti henni óhugnanleg sjón. Eiginmaður hennar lá látinn á gólfinu en hann hafði verið stunginn margoft með hníf.

Þetta kemur fram í ákæruskjali málsins en það verður tekið fyrir af undirrétti í Kaupmannahöfn í næsta mánuði. Fram kemur að lögreglan hafi handtekið 31 árs gamlan mann tveimur vikum eftir morðið en sá er grunaður um morðið. Maðurinn hefur setið í gæsluvarðhaldi síðan en hann neitar sök. Hann hefur nú verið ákærður fyrir að stinga fórnarlambið minnst 54 sinnum.

Við rannsókn málsins fann lögreglan farsíma fórnarlambsins og er óhætt að segja að innihald símans hafi vakið mikinn óhug. Morðinginn hafði tekið dauðastríð mannsins upp og sagt honum að næst ætlaði hann að fara heim til fjölskyldu hans og vinna henni mein.

„Nú fer ég til fjölskyldu þinnar. Það er svo . . . . Er eitthvað sem þú vilt segja þeim? Segðu nú eitthvað. Ég er búinn að hringja. Gerðu það, gerðu það, gerðu það.“

Heyrist morðinginn segja á ensku á upptökunni. Því næst stakk hann fórnarlambið minnst fjórum sinnum til viðbótar í hálsinn eftir því sem segir í ákærunni.

Jótlandspósturinn hefur eftir Søren Harbo, saksóknara í málinu, að hann hafi aldrei séð neitt þessu líkt. Hann sagði að upptakan hefði fundist seint í rannsóknarferlinu en vildi ekki skýra frá hvernig hún hefði fundist. Hann vildi heldur ekki skýra frá kenningu lögreglunnar um ástæðu morðsins fyrr en málið verður tekið fyrir hjá dómstólnum í næsta mánuði.

Saksóknarinn krefst þess að ákærði, 31 árs Kamerúni, verði dæmdur til fangelsisvistar og vísað úr landi fyrir lífstíð að afplánun lokinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Engin niðurstaða og harðar ásakanir: „Þrælavinna“ – „nauðungarvinna“ – „atvinnuofbeldi“ – „glæpamenn“

Engin niðurstaða og harðar ásakanir: „Þrælavinna“ – „nauðungarvinna“ – „atvinnuofbeldi“ – „glæpamenn“
Í gær

Óíslensk hegðun

Óíslensk hegðun
Fréttir
Fyrir 2 dögum

Sigríður áreitt á veitingastað þar sem hún sat með 14 ára syni sínum: „Framkoma þeirra var viðurstyggileg“

Sigríður áreitt á veitingastað þar sem hún sat með 14 ára syni sínum: „Framkoma þeirra var viðurstyggileg“
Fréttir
Fyrir 2 dögum

Dottaði undir stýri og fór út af

Dottaði undir stýri og fór út af
Fréttir
Fyrir 3 dögum

Myndband: Bandóðir bílstjórar börðust við Bauhaus – Ástæðan var ótrúleg – „Svo rauk minni gaurinn bara út“

Myndband: Bandóðir bílstjórar börðust við Bauhaus – Ástæðan var ótrúleg – „Svo rauk minni gaurinn bara út“
Fréttir
Fyrir 3 dögum

Þórlaug var í hættu en varpar nýju ljósi á harmleikinn á Skólavegi: „Verulega brugðið þegar blóð fór að leka úr augum hans“

Þórlaug var í hættu en varpar nýju ljósi á harmleikinn á Skólavegi: „Verulega brugðið þegar blóð fór að leka úr augum hans“