Miðflokkur Sigmundar Davíðs Gunnlaugssonar hyggst bjóða fram lista í komandi sveitarstjórnarkosningum. Flokkurinn er búinn að stofna sérstakt félag í Suðvesturkjördæmi og mun stofna félag í Reykjavík á mánudag sem mun halda utan um framboðin.

Sigmundur Davíð, þrátt fyrir að vera mikill áhugamaður um borgarmál, verður ekki í forsvari í Reykjavík og því verður spennandi að sjá hvort flokkurinn nái að standa einn og óstuddur í Reykjavík. Ýmsir hafa verið nefndir á nafn sem mögulegir oddvitar, þá er helst hvíslað að Guðfinna J. Guðmundsdóttir hætti við að hætta.