Lögreglan á höfuðborgarsvæðinu brýnir fyrir ökumönnum að hafa hugann við aksturinn en svo var ekki í tilviki ökumanns bílsins sem sjá má í meðfylgjandi hugvekjumyndbandi.
Myndbandið er tekið úr eftirlitsmyndavél lögreglubíls á ferð en líkt og sjá má er lögreglubílinn á rólegum hraða þegar fólksbíll keyrir fram hjá á fleygiferð og án þess að virða biðskyldu á rauðu ljósi.
Lögreglumönnunum tekst þó að stöðva ökumanninn sem mun eflaust hugsa sig tvisvar um næst áður en hann brýtur umferðarlögin.
