Lögregla hefur handtekið karlmann sem er grunaður um að hafa kveikt í bíl við sjúkrahúsið Vog síðastliðinn föstudag. Líkt og sjá má á meðfylgjandi myndbandi þá logaði eldur í tveimur bifreiðum við sjúkrahúsið.
Mbl.is hefur eftir Valgarði Valgarðssyni, aðalvarðstjóra hjá Lögreglunni á höfuðborgarsvæðinu, að maðurinn hafi ekki kveikt í bílnum í einhverjum ákveðnum tilgangi. „Hann var bara ósáttur við lífið og tilveruna,“ segir Valgarður.
Maðurinn ku hafa fundist í Breiðholti þar sem hann var gómaður við að reyna að kveikja í mottu í fjölbýlishúsi við Vesturberg. Bílinn er gjörónýtur og miklar skemmdir á hinum sem er í eigu starfsmanns á Vogi.