Bresku dýraverndunarsamtökin World Animal Protection gáfu út yfirlýsingu í síðustu viku vegna umsvifamikils svindls. Þá var maður handtekinn í Noida héraði í Indlandi, nálægt höfuðborginni Nýju Delhi, tengdur því.

Hann og fleiri eru grunaðir um að selja falskar Hatha Jodi rætur. Hatha jodi er mjög sjaldgæf og vex einungis á afskekktum svæðum í Indlandi og Nepal. Rótin er talin hafa mikinn kraft og fólk frá Asíu notar hana í trúarathöfnum til þess að öðlast hamingju, heppni og auð. Gangverðið á hverri rót getur hlaupið á tugum þúsunda króna.

Kynfærði verndaðra eðla

Það sem svindlararnir hafa hins vegar verið að selja á netinu og víðar eru hins vegar alls ekki Hatha Jodi rætur heldur þurrkaðir getnaðarlimir eðla sem líkjast rótunum. Ekki nóg með það þá eru þessar eðlur (e. monitor) í útrýmingarhættu og hafa verið verndaðar í Indlandi síðan 1972.

Ljóst er að um umsvifamikinn veiðiþjófnað er að ræða og framboðið annar ekki eftirspurninni. Því hafa svindlararnir tekið upp á því að taka afsteypur af eðlukynfærunum (en ekki rótinni sjálfri) og selja þær einnig.

„Við erum í áfalli vegna umfangs þessarar óforskömmuðu starfsemi með ólöglegar dýraafurðir.“ Sagði dr. Neil D´Cruze hjá World Animal Protection. Varað er við kaupum á Hatha Jodi á netinu sem t.d. eru seldar á vefnum Amazon.com á u.þ.b. 60 dollara stykkið (um 6000 kr).