Snæbjörn Steingrímsson, fyrrverandi framkvæmdastjóri SMÁÍS (Samtaka myndréttarhafa á Íslandi) hefur verið dæmdur í 16 mánaða fangelsi fyrir fjárdrátt, umboðssvik og brot á lögum um bókhald. Þrettán mánuðir af sextán eru þar af skilorðsbundnir. Auk þess er honum gert að greiða rúmar sautján milljónir króna í sekt. Dómur féll í Héraðsdómi Reykjavíkur í morgun. Mbl.is greinir frá.

Snæbjörn var ráðinn framkvæmdastjóri Smáís árið 2007 og var áberandi í baráttu þeirra gegn dreifingu á höfundarréttarvörðu efni á netinu allt þar til hann lét af störfum í vor. Hann gengdi starfinu í sex ár en var kærður af stjórn samtakanna til sérstaks saksóknara vorið 2014.

Var hann sakaður um að hafa yfir sex ára tímabil dregið sér tæp­lega 640 þúsund af debetreikningi félagsins og 6,8 milljónir af kreditkorti þess. Kemur fram í ákærunni að hann hafi dregið fé af kortinu til eigin nota, meðal annars til greiðslu reikninga á veit­inga­hús­um, krám, vín­búðum og raf­tækja­búðum.Þá var hann kærður fyrir að hafa látið und­ir höfuð leggj­ast að færa lög­boðið bók­hald fé­lag­ins árin 2008 til 2014.

Fyrir dómnum játaði Snæbjörn þau brot sem sneru að van­skilum á virðis­auka­skatt­skýrsl­um, en neitaði að hafa dregið að sér rúmlega 640 þúsund af de­bet­reikn­ingi fé­lags­ins og 6,8 millj­ón­ir af kred­it­korti þess.

DV greindi frá því árið 2014 að Stjórn Smáís, Samtaka myndrétthafa á Íslandi, hefði lagt fram beiðni um að samtökin yrðu tekin til gjaldþrotaskipta. Stjórn samtakanna sögðuþau ógjaldfær vegna ýmissa brota fyrrverandi framkvæmdastjórans.