Unglingsstúlka missti símann á lestarteina – Reyndi að ná honum aftur með skelfilegum afleiðingum
Þrettán ára gömul stúlka lét lífið þegar hún reyndi að endurheimta farsíma sem hún hafði misst niður á teina neðanjarðarlestarstöðvar í Queens um helgina.
Samkvæmt New York Daily News, var stúlkan að reyna að klifra aftur upp á brautarpallinn þegar hún varð fyrir lest. Lestarstjórinn náði ekki að stöðva vagninn í tæka tíð. Stúlkan var flutt á sjúkrahús í nágrenninu en var úrskurðuð látin.
Mikil skelfing greip um sig á lestarstöðinni.
„Fólk stökk til og reyndi að færa lestina og farþegar færðu sig allir á eina hlið vagnsins í von um að hægt væri að hagga lestinni og ná stúlkunni,“ er haft eftir sjónarvotti.
Samgönguyfirvöld í New York hafa í kjölfar harmleiksins ítrekað fyrri orð sín um að farþegar fari varlega og að enginn sími sé þess virði að fórna lífi sínu fyrir.