Bíll 17 ára ökumanns rann á kyrrstæða bifreið
Nokkuð skondið umferðaróhapp varð í tólfta tímanum í gærkvöldi en þá hafði Lögreglan í Reykjavík hafði afskipti af 17 ára ökumanni.
Ökumaðurinn hafði upphaflega ekið á kyrrstæða bifreið. Þegar hann steig svo út úr bifreið sinni til að athuga skemmdirnar vildi ekki betur til en að bíllinn rann af stað beint á aðra kyrrstæða bifreið.
Það er kannski ekki skrýtið að aksturskunnáttan hafi verið takmörkuð hjá ökumanninum unga enda kom fljótlega í ljós að hann hafði aldrei öðlast ökuréttindi.
Ökumanninum var ekið til skyldmenna að ósk foreldris og lyklar teknir í vörslu lögreglu. En í tilkynningu frá lögreglunni segir að málið verði tilkynnt til Barnaverndar.