Í dag voru átta manns dæmd í þriggja mánaða til fjögurra ára fangelsi fyrir aðild að umfangsmiklu fjársvikamáli sem kom upp árið 2010. Dómurinn féll í Héraðsdómi Reykjaness en allar refsingarnar eru skilborðsbundnar.

Fyrrverandi starfsmaður Ríkisskattstjóra hlaut þyngsta dóminn, fjögur ár. Hann liðkaði til fyrir svikunum og gerðist sekur um brot í opinberu starfi.

Annar karlmaður, sem var af hinum talinn höfuðpaurinn, hlaut tveggja og hálfs árs dóm. Þá voru rúmar fimm milljónir sem fundust á heimili mannsins, dýrt armbandsúr og gullkeðja gerð upptæk.

Einn hlaut 18 mánaða dóm, annar 12 mánaða, tveir fjögurra mánaða dóma og einn þriggja mánaða.

Svikin voru með þeim hætti að tvö einkahlutafélög skiluðu reikningum upp á 1.300 milljónir króna vegna byggingaframkvæmda sem aldrei var ráðist í og fengu endurgreiddan virðisaukaskatt upp á 278 milljónir króna