Sagði frá ætlunarverki sínu á spjallsíðu
Sænska lögreglan en sannfærð um að hún hafi ökumann flutningabílsins, sem myrti 4 og særði 15 í miðborg Stokkhólms síðastliðinn föstudag, í haldi. Maðurinn sem grunaður er um ódæðið heitir Rakhmat Akilov. Hann er 39 ára og er frá Úsbekistan. Akilov hefur opinberlega lýst því yfir að hann sé múslimi og sé meðlimur í sýrlensku hryðjuverkasamtökunum ISIS.
Óvíst er hversu lengi Akilov hefur dvalið í Svíþjóð en hann ku hafa sagt frá ætlunarverki sínu á spjallsíðu fyrir ISIS liða degi áður en hann keyrði vöruflutningabílinn, á fullri ferð, inn í mannfjöldan á Drottningargötu.
Akilov var eftirlýstur af sænsku lögreglunni áður en hann var handtekinn síðstliðið föstudagskvöld. Til stóð að vísa honum úr landi.
Þetta kom fram á blaðamannafundi í morgun. Þar sat Dan Eliasson, ríkislögreglustjóri Svíþjóðar, fyrir svörum blaðamanna. Talið er að rannsókn málsins geti tekið upp undir ár.
Annar karlmaður er í haldi sænsku lögreglunnar, grunaður um aðild að hryðjuverkinu. Engar upplýsingar hafa þó fengist um hann. Lögreglan vill útilokar ekki að fleiri tengist málinu.