Skráning í grunnskóla og innritun frístundarheimila frestast um viku

Orsökin eru tæknilegir örðugleikar

Mynd: DV ehf / Sigtryggur Ari

Innritun barna, sem eru fædd árið 2011, í grunnskóla og innritun á frístundaheimili á næsta skólaári 2017-2018 frestast um viku vegna tæknilegra örðugleika.

Á vefsvæði Reykjavíkurborgar er beðist er velvirðingar á þeim óþægindum sem tæknibilun á Rafrænni Reykjavík hefur valdið foreldrum/forráðamönnum við innritun í dag.

Þá er foreldrum bent á að engar skráningar hafa farið í gegnum rafræna kerfið í dag, en innritun átti að hefjast snemma í morgun. Því þarf að innrita öll börn að nýju í grunnskóla og inn á frístundaheimili þegar rafræna innskráningarkerfið verður komið í lag. Nánari upplýsingar um tilhögun innritunar verða sendar til foreldra.

Líkt og DV greindi frá í morgun var gríðarlegt álag á vefnum í morgun. Þá sérstaklega voru foreldrar barna sem eiga börn í 2. og 3. bekk búin að koma sér vel fyrir, fyrir framan tölvuskjáinn, með því markmiði að lenda ekki í vandræðum í haust þegar plássunum verður úthlutað í frístundarheiminum borgarinnar. Síðustu ár hefur verið mikil mannekla á frístundarheimilum sem hefur orskað töf á því að börn í öðrum og þriðja bekk komist inn á sama tíma og skólinn byrjar.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.