Tilkynnt var um meðvitundarlausan mann í gistiskýlinu að Lindargötu fyrir skömmu en þar rekur borgin athvarf fyrir heimilislausa karlmenn. Lögregla og sjúkralið voru send á vettvang en eftir skoðun sjúkraliða reyndist vera í lagi með manninn.

Þetta kemur fram í tísti lögreglunnar á Twitter en lögregla um allt land stendur fyrir maraþontísti í dag og fram á nótt þar sem öll verkefni eru skráð.

Laust fyrir klukkan 18 í dag varð árekstur á Miklubraut. Tveir bílar voru festir saman og varð mikil umferðateppa vegna atviksins. Ekki urðu meiðsl á fólki.

Glerhálka er í Heiðmörk og er búið að loka veginum um Heiðmörk vegna hálku. Búið er að sanda og ná þeim bílum burt sem fastir voru vegna hálku.