Jarðskjálfti upp á 3,8 mældist í fjallinu Skjaldbreið í morgun en skjálftahrina hefur staðið þar yfir síðan í gærkvöld. Skjaldbreiður er fjall sem liggur norðaustur frá Þingvallasveit og sést vel frá útsýnispalli Þjóðgarðsins á Þingvöllum. Þykir fjallið vera mjög fagurt á að líta.
Í tilkynningu frá Veðurstofunni um skjálftana segir:
„Jarðskjálftahrina stendur nú yfir í fjallinu Skjaldbreið en þar hafa mælst tæplega 100 skjálftar síðan í gærkvöld, 9. desember. Kl. 19:20 í gærkvöldi varð skjálfti sem var 3,5 að stærð. Kl. 19:53 varð skjálfti af stærð 3,2 og kl. 21:25 var skjálfti af stærð 3,7. Stærri skjálftarnir fundust báðir í uppsveitum Árnessýslu en sá fyrri fannst einnig á Kjalarnesi og í Borgarfirði. Í dag 10. des. kl 08:48 mældist skjálfti 3,8 að stærð á sama svæði.“
