Fjórir voru skotnir í miðbæ Trelleborg í Svíþjóð á ellefta tímanum í gærkvöldi. Tveir eru alvarlega særðir, karlmenn um tvítugt. Hinir tveir eru minna særðir. Lögreglan handtók einn mann í gærkvöldi en hann er grunaður um að tengjast skotárásinni. Auk þess voru fleiri færðir til yfirheyrslu.
Aftonbladet hefur eftir talsmanni lögreglunnar að skotárásin hafi átt sér stað á nokkrum stöðum á afmörkuðu svæði. Stóru svæði var lokað af vegna rannsóknar lögreglunnar en fjölmennt lögreglulið kom fljótlega á vettvang. Sá sem var handtekinn var handtekinn í tengslum við húsleit sem var framkvæmd vegna rannsóknar málsins.
