„Grænlenskt vetrarkvöld, snjórinn glitraði og stjörnur himinsins voru skærari en vanalega þegar 100 manns söfnuðust saman á torginu í Qaqortoq til að minnast Birnu Brjánsdóttur.“
Þannig lýsir Edda Lyberth kvöldi í bænum Qaqortoq á suður Grænlandi þar sem hún er búsett ásamt fjölskyldu sinni. Edda söng Ó Jesú bróðir besti og kveikt var á kertum.
Segir Edda að mikil samhygð hafi ríkt og fólk sent fjölskyldu Birnu samúðarkveðjur. Þar rétt eins og í Nuuk var kveikt á kertum.
„Eftir tveggja mínútna þögn var sungið á grænlensku Guutiga illimi sem er Hærra minn guð til þin á íslensku.“
Edda segir:
„Ég talaði um að við værum öll dætur og synir og yrðum að passa uppá hvert annað. Við mótmæltum einnig ofbeldi á konum og börnum og mönnum. Einnig var Martha Pape minnst sem var myrt i Tasiilaq fyrir stuttu. Fólk sýndi hlýhug og faðmaði hvert annað.“
Hér fyrir neðan má sjá myndir sem eru birtar með góðfúslegu leyfi Gert Hansen. Myndskeið var tekið upp á síma Eddu:
