Nánari fregna í máli Birnu Brjánsdóttur er að vænta á næstu klukkustund
„Fyrir skömmu fannst vísbending sem lögreglan er að skoða. Það þykir mjög líklegt að leitin verði endurskipulögð út frá því. Ég á von á að þetta skýrist á næstu klukkustund eða svo.“
Þetta segir Þorsteinn G. Gunnarsson í samtali við DV. Hann staðfesti að leitarhóparnir, sem eru að störfum á suðvesturhorni landsins, hafi verið kallaðir inn í bækistöðvar og séu þar á meðan lögreglan rannsakar vísbendinguna.
Þorsteinn telur að að áherslur í leitinni breytist út frá þessum nýju upplýsingum. 440 Björgunarsveitarmenn hafa í dag leitað að Birnu.
