Rannsókn lögreglu leiddi í kvöld til þess að þriðju áhafnarmeðlimur Polar Nanoq var handtekinn um borð í skipinu þar sem það er á leið til landsins.
Þetta kemur fram í tilkynningu frá lögreglu en DV greindi frá því fyrr í kvöld að lögreglumenn í sérsveit ríkislögreglustjóra hefðu handtekið tvo menn um borð í grænlenska fiskiskipinu Polar Nanoq um það bil 90 mílur suðvestur af landinu, um hádegisbilið í dag.
Ástæða handtöku þriðja mannsins er sú hin sama og hvað varðar hina tvo, það er að segja, að grunur leikur á að hann búi yfir upplýsingum um hvarf Birnu Brjánsdóttur hinn 14. janúar síðastliðinn. Hann verður yfirheyrður við komuna til landsins.