Sjálfstæðisflokkurinn fær forsætisráðuneytið og utanríkisráðuneytið í nýrri ríkisstjórn Sjálfstæðisflokksins, Viðreisnar og Bjartrar framtíðar. Flokkurinn fer einnig með innanríkismál en því verður skipt upp í tvö ráðuneyti. Annars vegar ráðuneyti fjarskipta- og sveitarstjórnamála en hins vegar ráðuneyti dómsmála. Flokkurinn fer einnig með ferðamál, iðnaðarmál, nýsköpun og menntamál.
Viðreisn fær fjármálaráðuneytið, atvinnuvegaráðuneyti (landbúnaðar- og sjávarútvegsmál) auk velferðarráðuneytisins. Björt framtíð fær heilbrigðisráðuneytið og umhverfisráðuneytið.