Grunaður um alvarlega árás í Vestmannaeyjum – Í varðhaldi fram á fimmtudag
Maðurinn sem grunaður er um alvarlega líkamsárás á konu í Vestmannaeyjum um síðustu helgi verður áfram í gæsluvarðhaldi. Héraðsdómur Suðurlands samþykkti kröfu Lögreglustjórans í Vestmannaeyjum um að maðurinn sæti áframhaldandi gæsluvarðhaldi.
Sjá einnig: Árásin í Eyjum: Lögregla gat ekki sinnt konunni vegna anna
Eyjar.net greina frá þessu, en þar segir að maðurinn muni verða í gæsluvarðhaldi til miðvikudagsins 28. september. Lögregla hafði farið fram á að maðurinn yrði í gæsluvarðhaldi til laugardagsins 1. október.
Krafan um að maðurinn sætti áfram varðhaldi var á grundvelli rannsóknarhagsmuna. Lögregla sagði í tilkynningu í gær að unnið væri af fullum þunga í málinu og verið væri að yfirheyra alla sem hugsanlega geta veitt upplýsingar í málinu. Þá hafi verið unnið úr öðrum gögnum sem borist hafa lögreglunni og tengjast málinu.