Við hefðbundið eftirlit vegalögreglunnar á Suðurlandi var bílstjóri rútubifreiðar tekinn vegna gruns um að aka undir áhrifum áfengis. Þetta atvik átti sér stað sl. fimmtudag á Suðurlandsvegi við Lögberg.

„Já, ég get staðfest þetta og í bifreiðinni voru 18 farþegar. Umferðardeildin hefur eftirlit með öxulþunga bíla, reglugerðum um ákvæði hvíldartíma, ökurita og öllum leyfum sem tengjast hópferðaakstri. Þeir hafa eftirlit með þessu á Suðurlandi, Suðurnesjum og á höfuðborgarsvæðinu. Það var einmitt við svona eftirlit sem ökumaður þessarar rútubifreiðar er bráðabirgðasvipur akstri rútunnar á staðnum fyrir hádegi sl. fimmtudag. Þetta eru alltaf alvarleg mál, þar fyrir utan að ökumaðurinn er með stóran hóp farþega í rútunni. Umferðardeildin mun eins og áður fylgjast vel með þessum þáttum áfram. Þetta er forvarnarvinna sem verður fylgt vel eftir á næstunni eins og jafnan,“ sagði Þorgrímur Óli Sigurðsson, aðstoðaryfirlögregluþjónn á Selfossi, í samtali við DV.

Farþegar rútunnar þurftu að bíða í góða stund þangað til að annar ökumaður var fenginn til svo hægt væri að halda förinni áfram.