Tuttugu og tveggja ára kona í New Jersey í Bandaríkjunum, Itaniyah Spruill, hefur verið handtekin og ákærð eftir að fimm ára sonur hennar varð fjögurra ára bróður sínum að bana með skotvopni.
Svo virðist vera sem sonur konunnar hafi komist yfir skotvopn móður sinnar og handleikið það með þeim afleiðingum að skot hljóp hljóp úr byssunni og í höfuð bróður hans. Atvikið átti sér stað á laugardag og var yngri bróðirinn úrskurðaður látinn á sjúkrahúsi í kjölfarið.
Móðirin er nú í fangelsi og sætir hún ákæru fyrir brot á vopnalögum og fyrir að stefna velferð barna sinna í augljósa hættu. Að sögn saksóknara er eldri sonur Itaniyuh nú í höndum annarra fjölskyldumeðlima.