Bíllinn fauk út af veginum – Slapp með minniháttar meiðsli
Meðfylgjandi myndband var tekið í morgun og sýnir þegar húsbíll fauk út af vegi í Kollafirði. Afar hvassir vindar voru á Kjalarnesi um það leyti. Einn ökumaður var í bílnum.
Sesselja Anna Óskarsdóttir varð vitni að atvikinu í morgun og birtir myndbandið á Facebook síðu sinni. Í samtali við Vísi segir hún: „Ég var á leið á æfingu með pabba mínum og systur þegar við sáum bílinn vagga til, þannig að ég tók upp símann og byrjaði að mynda.“
Hún bætir við að hún og faðir hennar hafi í kjölfarið aðstoðað ökumann bílsins sem reyndist vera lítilsháttar slasaður. Sjúkrabíll og lögreglu mættu stuttu seinna á staðinn. „Það eina sem ég sá að honum var smá sár á höfðinu hans. Hann var að ferðast með tveimur öðrum sem voru í öðrum bíl“