Sjálfstæðisflokkurinn mælist nú með 27 prósent fylgi samkvæmt nýrri könnun Gallup. Píratar fylgja fast á eftir með einungis örlitlum mun; 26,6 prósent fylgi.
Þetta kemur fram í frétt Eyjunnar en þar er einnig greint frá því að fylgi Pírata hefur dalað um 9 prósentustig á einum mánuði.
Á meðan hefur Framsóknarflokkurinn bætt við sig um fjórum prósentustigum og mælist nú með 10,5 prósenta stuðning. Að öðru leyti eru litlar breytingar á fylgi flokkanna á Alþingi frá síðustu könnun.
Þá eykst stuðningur við ríkisstjórnina lítillega og mælist hann nú 37,3 prósent.