Hlaut tíu prósent atkvæða í forsetakosningunum 2004
Baldur Ágústsson, sem bauð sig fram í embætti forseta Íslands árið 2004, hefur ákveðið að bjóða sig fram í embættið á nýjan leik í sumar. Þetta segir Baldur á heimasíðu sinni. Baldur fékk tæp tíu prósent atkvæða í kosningunum 2004 og þurfti að lúta í lægra haldi gegn Ólafi Ragnari Grímssyni sem fékk 67,5 prósent atkvæða.
„Heita má að nær óþekkt hafi verið að bjóða sig fram gegn sitjandi forseta og taldist gott að ég fékk 13000 atkvæði,“ segir Baldur um kosningarnar 2004.
„Framboðið var ánægjuleg reynsla og jók áhuga minn á embættinu og vegferð lands og þjóðar. Fullvissa mín um enn betra land og hamingjusamari og öruggari þjóð hefur styrkst og vaxið með árunum. Ég vona að við eigum góða framtíð saman,“ segir Baldur á heimasíðu sinni.