Fyrrum gjaldkeri Samfylkingarinnar, Vilhjálmur Þorsteinsson, átti félag á Tortóla frá árinu 2001 og fram að hruni. Þetta kom fram í Kastljósi í kvöld.

Vilhjálmur tók fyrir það að hafa átt aflandsfélag í skattaskjóli þegar hann sagði sig úr stöðu gjaldkera Samfylkingarinnar, líkt og Eyjan hafði áður greint frá. Vilhjálmur sagði sig einnig úr stjórn fjölmiðilsins Kjarnans í dag vegna málsins.

Að sögn Vilhjálms er hann eigandi félagsins Meson Holding SA sem skráð er í Lúxemborg. Það félag er eigandi nokkurra íslenskra fyrirtækja, og á meðal annars hlut í fjölmiðlafyrirtækinu Kjarnanum. Hann sagði skattlegt hagræði ekki hafa verið ástæðuna fyrir staðsetningu félagsins í Lúxemborg, eða félaganna tveggja á Kýpur.

Í gögnum Mossack Finseca kemur fram að félagið M-Trade hafi verið stofnað árið 2001 á Tortólu. Stjórnendur félagsins voru skráð þrjú önnur félög á Tortóla. Annað félag var skráð fyrir öllum eignum M-Trade, Meson-Holding í Lúxemborg, sem er félag Vilhjálms Þorsteinssonar.

Vilhjálmur sagðist ekki hafa talið ástæðu til að ræða umrætt félag í pistil sem hann birti í dögunum á Eyjunni, þar sem hann sömuleiðis sagði af sér gjaldkerastöðunni í Samfylkingunni.