Fyrrverandi borgarstarfsmanni Cádiz á Spáni hefur verið skipað að endurgreiða sveitarfélaginu rúmlega 30 þúsund evrur eða 4,3 milljónir króna fyrir vanrækslu í starfi. Í ljós kom að maðurinn hafði ekki unnið handtak í heil sex ár, mætti hann einnig illa í vinnuna.

Spænska dagblaðið El País greinir frá þessu. Maðurinn, sem kallaður er J.G.V. í dómsskjölum, starfaði í ráðhúsinu fram til ársins 2004 en var þá færður til í starfi eftir að hafa valdið deilum á skrifstofunni sem hann vann. Var hann þá verður að umsjónarmanni vatnshreinsistöðvar í San Fernando sem var þá enn í byggingu.

J.G.V. fékk skrifstofu með stórum glugga og átti að sjá um að skrifa skýrslur og hafa umsjón með starfsmönnum. Eftir að hafa valdið deilum á vinnustaðnum hættu skýrslur að berast frá honum og var hann kallaður „heita kartaflan“.

Á sex ára tímabili á árunum 2006 til 2010 var hann ítrekað beðinn um skýrslur en lítið var um svör. Árið 2010 var honum svo vikið frá störfum en í fyrra hóf bærinn að endurskoða feril hans og annarra sem taldir eru hafa svikið fé af sveitarfélaginu.