„Það eru nokkrir þættir sem höfðu þarna mjög mikil áhrif, en sá þáttur sem að stendur uppúr er uppgjörið við kröfuhafa föllnu bankanna. Í raun og veru var ekki búið að gera upp gömlu bankana þarna 2012 og það vofði yfir hagkerfinu sem gríðarleg áhætta upp á tvöþúsund og fjögurhundruð milljarða, hvernig til tækist með það,“ sagði Heiðar Guðjónsson fjárfestir í þættinum Eyjunni á Stöð 2 í gær.

„Sem betur fer að uppgjörið sem var kynnt síðan núna í júní og er verið að ganga frá núna, að það gerir það að verkum að það verður ekkert hrun 2016.“

Heiðar segir að frekar eigi að þakka hópum á borð við Indefence og Advice en til dæmis fjármálaráðuneytinu eða Seðlabankanum sem hafi ekki gert mikið til að leysa vandann við gjaldeyrishöftin. Hann segir embættismannakerfin hafa viljað ganga að samningum við kröfuhafa eftir að Icesave-málinu lauk sem hafi þýtt mikinn kostnað fyrir almenning.

„Þeir sem eru sigurvegarar í þessu máli eru, ef það er einhver einn sigurvegari á endanum, þá er það almenningur.“

Hér má horfa á viðtalið í heild sinni.