Hvít fólksbifreið rann út í Jökulsárlón á Breiðamerkursandi í gær. Svo virðist sem ferðamönnum sem voru á bílnum, frönskum manni og taílenskri stúlku, hafi láðst að setja bílinn í gír eða handbremsu. Vísir greinir frá þessu.

„Við vorum mjög óttaslegin fyrst. Héldum fyrst að einhver væri inni í bílnum, að þetta væri sjálfsvíg. Þetta var eitthvað svo út í bláinn,“ hefur Vísir eftir Jónasi Jónassyni leiðsögumanni en hann varð vitni að uppákomunni. Í ljós kom fljótt að enginn var í bílnum.

Allar föggur parsisn var í bílnum, ásamt flugmiðum og vegabréfum. Jónas ber að bíllinn hafi flotið um í lóninu í um tíu til fimmtán mínútur, áður en hann sökk.

Jónas Jónasson tók meðfylgjandi myndband, sem birtist fyrst á Vísi.