„Sama hversu mikið ég reyni, hversu fallega ég tala um konur, hversu einlæg ég er, hversu hreinskilin ég er, hvort sem ég segi mína skoðun eða segi ekki mína skoðun það verður aldrei nóg,“ ritar Arna Ýr Jónsdóttir Ungfrú Ísland 2015 en í pistli sem birtist á fésbókarsíðu sinni segir hún ómögulegt að gera öllum til geðs. Hún kveðst hafa sinn skerf af gagnrýni og neikvæðum athugasemdum og muni það aldrei breytast.

Ákvörðun Örnu Ýrar að hætta við þáttöku í fegurðarsamkeppninni Miss Grand Internation nú á dögunum hefur vakið mikla hér heima og erlendis, en líkt og kunnugt er gekk Arna Ýr frá keppninni eftir að eigandi hennar tjáð henni að hún væri of feit.

Stuðningskveðjum hefur rignt yfir Örnu Ýr undanfarna daga en ekki eru þó allir á eitt sáttir við athyglina sem hún hefur fengið. Til að mynda hafa einstaklingar sakað Örnu um fitufordóma og því svarar hún á þessa leið:

„Nú er staðan sú að þegar ég set inn kaldhæðni í sambandi við það sem eigandi keppninnar sagði við mig er ég að gera lítið úr konum sem eru í stærri kanntinum. Mér finnst mjör sárt, leiðinlegt og bara ömurlegt að fá þessi skilaboð eftir allt sem ég hef lagt á mig til þess að standa með öllum konum yfir höfuð!

Eigandi keppnninnar sagði við mig að þar sem honum finndist ég feit gæti ég því ekki verið flott. Það sem ég hef sett á netið er kaldhæðni tengt því. Að hvort sem kona er feit eða mjó getur hún samt sko alveg verið flott.“

ritar Arna um leið.

„Ég vil biðja alla innilega um að setja sig í mín spor og virða það að ég hef verið undir vörum heimsbyggðarinnar og ég er að gera mitt allra allra besta að tækla það og það skal ég segja ykkur er alls ekki auðvelt!,“ segir hún síðan og kemur á fram framfæri eftirfarandi skilaboðum:

„Mín orð sem ég segi oft við sjálfa mig: „Stattu uppi fyrir sjálfri þér og fylgdu þínu hjarta. Ekki láta aðra segja þér hvernig þú átt að líta út eða hvað þú átt að segja. Mundu að þú munt aldrei geta gert öllum til geðst en þú veist að þú hefur gert margt rétt og haltu í það!“