Slitabú Landsbankans, LBI hf., fékk í gær undanþágu Seðlabanka Íslands frá fjármagnshöftum til að ganga frá fullnaðaruppgjöri samþykktra forgangskrafna, sem voru að mestu tilkomnar vegna Icesave-reikninga Landsbanka Íslands hf, og námu alls 210,6 milljörðum króna.

Frá þessu er greint á vef LBI. Segir þar að uppgjörið hafi farið fram í evrum, pundum og dollurum.

EFTA-dómstóllinn sýknaði í janúar 2013 Ísland af kröfum ESA um að vera lýst brotlegt við samningum um Evrópska efnahagssvæðið (EES). Hafnaði dómstóllinn því að íslensk stjórnvöld hefðu brotið gegn tilskipun um innstæðutryggingar eða mismunað innstæðieigendum. Þorri forgangskrafna í bú LBI var vegna Icesave en breski innstæðutryggingasjóðurinn bætti Bretum sem áttu innstæður á reikningunum tjón þeirra.