Skemmtikrafturinn Björn Bragi Arnarson hitti landsliðsmanninn Rúrik Gíslason um helgina. Rúrik vakti sem kunnugt er gríðarlega athygli á HM í Rússlandi þar sem rúmlega milljón nýir Instagram-fylgjendur litu dagsins ljós.
Björn Bragi og Rúrik voru báðir í afmælisveislu Auðuns Blöndal um helgina, en Auddi varð 38 ára í gær. Hann hélt upp á afmælið sitt á laugardag og er óhætt að segja að mikið hafi verið um dýrðir í veislunni.
Björn Bragi sló á létta strengi á Instagram og birti mynd af sér með Rúrik. Í texta með myndinni fullyrðir Björn Bragi að hann hafi fundið hina fullkomnu leið til að vera á mynd með landsliðsmanninum myndarlega:
„Rétta aðferðin við að vera á mynd með @rurikgislason er að standa 2 metrum fyrir aftan í myrkri.“