fbpx
Miðvikudagur 08.maí 2024
Fókus

Bill Gates vill að þú lesir þessar bækur árið 2019

Fókus
Fimmtudaginn 6. desember 2018 18:00

Ekki missa af Helstu tíðindum dagsins í pósthólfið þitt

Lesa nánar

Bill Gates, stofnandi Microsoft, hefur í nógu að snúast á hverjum degi en hann gætir þess vandlega að gefa sér tíma til að drekka í sig allskonar fróðleik. Gates gerir það einna helst með lestri bóka sem hann gerir á hverju kvöldi.

Time-tímaritið birti lista yfir þær bækur sem Gates mælir með að fólk kynni sér þegar nýtt ár gengur í garð – fyrr ef fólk hefur tíma í aðdraganda jólanna. Hér að neðan má sjá stutta umfjöllun um þessar bækur.

Educated eftir Tara Westover

Hér er á ferðinni sjálfsævisaga ungrar konu sem ólst upp í mikilli einangrun í strjálbýlum sveitum Idaho. Hún gekk ekki í venjulegan skóla heldur hlaut menntun á heimili sínu þar sem foreldrar hennar, sem voru mjög trúaðir, töldu að menntastofnanir stunduðu heilaþvott. Þegar hún gekk inn í kennslustofu í fyrsta sinn á ævi sinni 17 ára hafði hún aldrei heyrt um helförina. Tara náði sér loks í doktorsgráðu frá Cambridge-háskóla en þurfti að fórna ýmsu til að ganga menntaveginn.

Army of None eftir Paul Scharre

Paul Scharre hefur starfað sem sérfræðingur í heimavörnum hjá bandaríska utanríkisráðuneytinu og í bók sinni veltir hann upp ýmsum siðferðislegum spurningum hvað varðar hernað framtíðarinnar. Tækninni fleytir sífellt fram og í bók sinni veltir Scharre upp áleitnum spurningum um hvað gerist þegar mannskepnan fer að reiða sig í sífellt meiri mæli á gervigreind. Hvað gerist þegar hernaðardróni hefur jafn mikla sjálfsstjórn og sjálfakandi bíll frá Google? Eða þegar tölvuþrjótar brjótast inn í hernaðarvopn og ná tökum á þeim?

Bad Blood eftir John Carreyrou

Þessi bók hefur hlotið einróma lof gagnrýnenda og varpar ljósi á skuggahliðar Sílíkondalsins svokallaða í Kaliforníu. John segir hér frá risi og falli Therenos, sprotafyrirtækis í líftæknigeiranum. Stofnandi fyrirtækisins, Elizabeth Holmes, kvaðst hafa unnið að nýrri tækni sem gerði blóðprufur og blóðskimanir skilvirkari, hraðvirkari og öruggari. Hún fékk þekkta fjárfesta um borð og um tíma var fyrirtækið metið á níu milljarða dala. Það var bara einn galli: Tæknin sem Elizabeth lofaði að myndi virka virkaði bara alls ekki.

21 Lessons for the 21st Century eftir Yuval Noah Harari

Ísraelski sagnfræðingurinn vakti mikla athygli fyrir bækur sínar Sapiens og Homo Deus en þessi nýja bók hans, sem kom út í haust, vakti ekki síður mikil viðbrögð. Eins og nafnið gefur til kynna leitar Harari svara við þeim áskorunum sem mannkynið stendur frammi fyrir á 21. öldinni. Breyta tölvur og vélmenni því hvað það þýðir að vera mennskur? Hvernig á að glíma við falsfréttir? Hvað eigum við að kenna börnum okkar?

The Headspace Guide to Meditation and Mindfulness eftir Andy Puddicombe

Andy er fyrrverandi búddamunkur og einn fremsti sérfræðingur heims á sviði núvitundar (e. Mindfulness). Í bók sinni sýnir hann lesendum hvernig við getum öðlast hugarró með því að tileinka okkur einfaldar æfingar í aðeins tíu mínútur á hverjum degi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Best klæddu stjörnurnar á Met Gala 2024

Best klæddu stjörnurnar á Met Gala 2024
Fókus
Fyrir 2 dögum

Ragnhildur segir þetta vera stórkostlega ofmetið fyrir fitutap – Gerðu þetta í staðinn

Ragnhildur segir þetta vera stórkostlega ofmetið fyrir fitutap – Gerðu þetta í staðinn
Fókus
Fyrir 2 dögum

Einar Ágúst þurfti að endurskoða líf sitt eftir að hafa greinst með alvarleg veikindi í fyrra

Einar Ágúst þurfti að endurskoða líf sitt eftir að hafa greinst með alvarleg veikindi í fyrra
Fókus
Fyrir 2 dögum

„Ég hugsaði um að draga mig út þegar stríðið á Gaza braust út en á sama tíma vildi ég taka pláss og nota röddina mína“

„Ég hugsaði um að draga mig út þegar stríðið á Gaza braust út en á sama tíma vildi ég taka pláss og nota röddina mína“
Fókus
Fyrir 3 dögum

Alexandra Helga og Gylfi eiga von á öðru barni

Alexandra Helga og Gylfi eiga von á öðru barni
Fókus
Fyrir 3 dögum

Svona líta svíturnar í skemmtiferðaskipunum út – Skópússun og einkabrytar

Svona líta svíturnar í skemmtiferðaskipunum út – Skópússun og einkabrytar
Fókus
Fyrir 5 dögum

Sjónvarpssería um ævintýralegan feril Jósafats Arngrímssonar

Sjónvarpssería um ævintýralegan feril Jósafats Arngrímssonar
Fókus
Fyrir 5 dögum

Katrín og Vilhjálmur að „ganga í gegnum helvíti“

Katrín og Vilhjálmur að „ganga í gegnum helvíti“