Staðará er falleg þriggja stanga á á Snæfellsnesi sem hefur lengi verið falin perla en Staðará geymir sterkan sjóbirtings stofn og líka eitthvað af lax. Staðará var eitt sinn þekkt sem sjóbleikju á en nú er sjóbirtingurinn ráðandi en hægt er að gera góða sjóbleikju veiði á vorin.

Veiðin er frá 1. apríl til 30. september. Gott getur verið að færa sig ofar í ánni þegar líður á september og hafa veiðimenn verið að ná í fína laxa þar.

,,Við hjá Staðará höfum ákveðið að leyfa aðeins flugu og leyfa einn fisk á stöng á dag en skal sleppa fiskum sem eru 60 sentimetrar og yfir,“ segir Magnús Anton Magnússon er við spurðum ána.

,,Mínar uppáhalds flugur eru meðal annars klassískar sjóbirtingsflugur t.d Black ghost. En það getur verið hrikalega gaman að setja litla hitch túbu undir þegar sjóbirtingurinn er að ganga,“ segir Magnús sem hefur veitt þá nokkra í Staðará á Snæfellsnesi og víða á svæðinu.

Mynd. Magnús Anton Magnússon með flottan sjóbirting úr Staðará á Snæfellsnesi.