Ein af aðferðunum til að bæta mataræði sitt er að borða mat sem inniheldur mikið af andoxunarefnum. Þau hjálpa líkamanum að berjast við óvini sem geta skaðað frumur hans.

Ef þú vilt borða meira af andoxunarefnum, þá koma eftirfarandi matvæli sterklega til greina því þau innihalda mikið af andoxunarefnum.

Rauð ber – Rauð ber, til dæmis jarðarber, bláber og hindber, eru meðal þeirra matvæla sem innihalda mest af andoxunarefnum.

Olivia Mathisen-Holloman segir að sögn Lifestyle ao Minuto að rauð ber innihaldi einnig önnur mikilvæg næringarefni, þar á meðal C-vítamín og kalíum.

Sætar kartöflur – Sætar kartöflur innihalda mikið af andoxunarefnum að sögn Matthew J. Landry, næringarráðgjafa.

Dökkt súkkulaði – Ef dökkt súkkulaði inniheldur minnst 70% kakó þá telst það matvara sem inniheldur mikið af andoxunarefnum. Þess utan inniheldur það flavónóíða, sem geta lækkað blóðþrýstinginn, að sögn Mathisen-Holloman. Flavónóíðar geta einnig styrkt heilastarfsemina og bætt skapið.

Ætiþistlar – Ætiþistlar eru frábær uppspretta trefja og innihalda einnig mikið af andoxunarefnum. Þeir innihalda einnig flavónóíða, C-vítamín, K-vítamín, magnesíum og kalíum.

Dökkgrænt blaðsalat – Landry sagði að dökkgrænt blaðsalat á borð við spínat og kál innihaldi mikið af andoxunarefnum, vítamínum, fólin og járn.