Flestir henda kaffikorginum beint í ruslið en það er hægt að nota hann til sannkallaðra þrifaverka. Það er til dæmis hægt að nota hann sem áburð úti í garði eða setja hann í niðurfallið þar sem hann vinnur gegn stíflumyndun.

Svo er hægt að setja hann í klósettið. Ef maður stráir einni matskeið af kaffikorgi í klósettið og tekur síðan klósettburstann og skrúbbar skálina, þá virkar kaffikorgurinn eins og milt hreinsiefni. Hann fjarlægir skít og drullu án þess að þörf sé á að nota sterk efni sem skilja oft eftir sig sterka lykt og hafa neikvæð áhrif á umhverfið.

Kaffikorgurinn er því ókeypis og umhverfisvænt hreingerningarefni.

Hann býr einnig yfir náttúrulegum eiginleikum til að binda lykt og það skemmir nú ekki fyrir inn á baðherbergi.

Ef húsið er skilið eftir mannlaust um lengri tíma getur verið gott að strá kaffikorgi í klósettið. Hann kemur í veg fyrir að vond lykt myndist í því.