Þegar maður kaupir pakka af eldhússvömpum þá eru þeir mismunandi á litinn og það er ekki tilviljun ein eða upp á punt. Ef þú þekkir litamuninn þá getur það hjálpað þér svo þrifin verði betri og það fer betur með eigur þína.

Græni svampurinn er þekktur fyrir að vera mjög slitsterkur og er notaður til að fjarlægja matarleifar og skít. En þú skalt hafa í huga að hann getur rispað viðkvæma hluti á borð við gler og húðaðar pönnur.

Rauði svampurinn slípar ekki eins mikið og sá græni en þrífur vel án þess að valda tjóni á yfirborðsflötum. Hann hentar vel til að þrífa vínglös, postulín og annað sem þarf að meðhöndla varlega.

Guli svampurinn er hannaður til að takast á við viðkvæmustu þrifin. Hann verndar veikburða efni og tryggir að yfirborðsfletir rispist ekki eða skemmist á annan hátt.

Blái svampurinn slípar allra minnst og hann er besti valkosturinn þegar kemur að þvotti á fínum vínglösum og postulínsbollum. Mýktin gerir einnig að verkum að hann hentar vel til að þrífa pönnur.