Tölfræði hefur sýnt að karlar eru líklegri til að halda framhjá en konur. Bandarísk rannsókn frá Institute of Family Studies leiddi í ljós að 20 prósent giftra karla hafa haldið framhjá, en 13 prósent kvenna höfðu gert það. Í skýrslunni frá 2018 kom einnig fram að meðal giftra fullorðinna sem höfðu haldið framhjá maka sínum áður voru 40 prósent á þeim tíma fráskilin eða aðskilin.
Framhjáhaldið kemst oft upp þegar makinn er gripinn glóðvolgur við athæfið, en sérfræðingar segja ákveðna hegðun gefa til kynna að makinn stundi framhjáhald eða sé byrjaður undirbúning að því.
Mögulega er heimilisstörfunum þannig skipt nú þegar að makinn sér alfarið um þvottinn, en ef svo er ekki og hann byrjar skyndilega að sjá um þvottinn á sínum fatnaði án nokkurrar augljósrar ástæðu þá gæti það verið rautt flagg.
„Ef maki þinn, sem hefur aldrei sýnt mikinn áhuga á að þvo þvott, byrjar skyndilega að krefjast þess að þvo fötin sín sjálfur, gæti þetta verið viðvörunarmerki. Ef hann er að halda framhjá gætu hann haft áhyggjur af hlutum eins og ilmvatns- eða rakspíralykt, merki eftir varalit eða lausum hárum á fötunum sínum, og að þvo þvottinn sjálfur gerir honum kleift að fela þessi merki án þess að þú takir eftir því.“
Ef akstur maka þíns er miklu meiri en venjulega gæti það þýtt að hann sé farinn að stunda afþreyingu fyrir utan svefnherbergi heimilisins.
„Breyting á akstursfjölda sem passar ekki við venjulega rútínu maka þíns eða vinnuskyldur getur verið annað lúmskt en afhjúpandi merki. Ef þeir segjast hafa verið lengur í vinnunni en vanalega eða í ræktinni, gæti mikil aukning á kílómetrafjölda sem passar ekki við það bent til leynilegra ferða til að hitta einhvern.“
Lægri akstur en búist var við gæti líka verið merki um sama Til dæmis er makinn segist vera á leið í ferð út á land, en kílómetratalan á bílnum haggaðist varla.
Allir eiga rétt á friðhelgi einkalífs og til dæmis að hafa símann sinn í friði, en breytingar á innskráningum geta valdið grunsemdum.
„Breytingar á friðhelgi einkalífs á tækjum maka þíns, eins og nýtt lykilorð, læst forrit eða útskráning úr sameiginlegum tækjum eins og fartölvu, geta bent til þess að viðkomandi sé að fela eitthvað.“
Samkvæmt rannsókn frá Global Investigations eru leyndarmál í símanum meðal algengustu merkja um framhjáhald.
Hefur maki þinn greitt háar fjárhæðir í sérverslun og afmælið þitt, jólin eða önnur stór dagsetning eða viðburður er ekki framundan? Þessi hegðun getur bent til þess að maki þinn sé að hitta einhvern annan sem hann er að kaupa gjafir eða annað fyrir.
„Hlutir eins og óútskýrð útgjöld, falin kaup eða óvenjulegar úttektir geta stundum verið merki um að maki þinn sé ótrúr. Hvort sem þeir eru að kaupa kvöldverði, gjafir, hótelherbergi eða samgöngur, þá hafa þeir sem standa í framhjáhaldi tilhneigingu til að eyða meiri peningum en venjulega.“
Er makinn skyndilega farinn að mæta í ræktina fimm sinnum í viku, eða langar eiginmann þinn að fljúga til Tyrklands í hárígræðslu? Slíkar breytingar eru möguleg viðvörunarmerki.
„Skyndileg, óútskýrð tilraun til að bæta útlit, svo sem ný föt, breytingar á hári eða aukinn tími í ræktinni, gæti verið merki um að reyna að heilla einhvern nýjan. Þó að sjálfsbætur og stolt af útliti sínu séu ekki grunsamlegar í sjálfu sér, getur það verið viðvörunarmerki þegar þau segja þér ekki hver hvöt þeirra er, eða ef þau sýna ekki áhuga á skoðun þinni eða athygli eftir breytingar á útliti þeirra.“
