Wilder McGraw hefur svo sannarlega ferðast víða þrátt fyrir ungan aldur, en hann hefur heimsótt allar sjö heimsálfurnar, Suðurskautslandið þar á meðal.
Móðir hans, ferðaskrifarinn Jordi Lippe-McGraw, segir í viðtali við New York Post að þetta hafi ekki verið þrælskipulögð áætlun hjá foreldrunum.
„Við vorum bara að ferðast vegna þess að það er hver við erum og það sem við elskum.“
Þegar Wilder var fimm ára áttaði Jordi og eiginmaður hennar, Ross sig á því, þegar þau töldu upp staðina sem þau höfðu heimsótt með syni sínum í Suður-Ameríku, að hann hafði þegar heimsótt fimm heimsálfur.
„Eiginmaður minn starði á listann og sagði: „Jæja … við gætum alveg eins klárað hann.““
Wilder var aðeins átta vikna gamall þegar hann fékk fyrsta stimpilinn í vegabréfið sitt þegar fjölskyldan flaug til Portúgals í ágúst 2018. Karíbahafseyjar, Kanada og Mexíkó fylgdu í kjölfarið áður en hann varð tveggja ára.
Síðan kom kórónuveiruheimsfaraldurinn sem setti heiminn allan sem og ferðalög fjölskyldunnar á pásu. Þegar heimurinn opnaðist á ný var Lippe-McGraw fjölskyldan komin aftur af stað. Þar náði Wilder að heimsækja Nevis, litla eyjuí Karíbahafinu, fyrir þriggja ára afmælið. Fleiri staðir í Karíbahafinu, Costa Rica, Dubai og safaríferð í Sambíu fyrir fjögurra ára afmælið. Síðan tók Evrópa við: Frakkland, Sviss, Skotland, Írland og Ítalía auk Galápagoseyja, allt áður en hann varð fimm ára.
Síðasta sumar var þaðAmsterdam, Singapore, Ástralía og Nýja-Sjáland sem negldu inn sjöttu heimsálfuna. Í nóvember varð Suðurskautslandið sú sjöunda og síðasta.
Suðurskautslandið hafði verið sjöunda heimsálfan sem móðir hans heimsótti gengin fimm mánuði ólétt af Wilder. Það var því einstakt að hennar sögn að koma þangað aftur. Fjölskyldan sigldi þangað um borð í Lindblad Expeditions og Resolution skipi National Geographic.
View this post on Instagram
Ferðalög eru ekki bara ævintýri fyrir Lippe-McGraw, hún segir þau snúast um að lifa af. Árið 2010 lést faðir hennar, sem var læknir og flugmaður, í flugslysi. Um tíma var hún lömuð af flugótta, en ákvað að takast á við hann. „Í stað þess að loka dyrunum að heiminum, komst ég að því að hreyfing var það sem hjálpaði mér að finna fyrir lífi aftur,“ sagði hún.
Föðurmissirinn skerpti forgangsröðun hennar. Hún vildi að sonur hennar fengi að alast upp forvitinn, ekki varkár; öruggur, ekki bundinn. „Ég vildi að hann sæi heiminn sem áfangastað, ekki ógn.“
Á Instagram má sjá að móðirin heimsótti Ísland í október síðastliðnum.
View this post on Instagram
Og í ágúst 2022.
View this post on Instagram
Hún segir samfélagsmiðla ekki sýna alla myndina, hvað þá á ferðalögum.
„Þreytan. Álagið. Skipulagið sem leysist upp klukkan þrjú að nóttu á flugvelli. Fólk sér fáguðu augnablikin en ekki sjóveikina, grátinn yfir flugvélamat eða barnið sem fullyrðir að það muni „aldrei aftur klæðast snjóbuxum.““
Það voru dagar á Suðurskautslandinu þegar Wilder lá hreyfingarlaus í kojunni sinni í 36 klukkustundir, hræddur við að kasta upp aftur. Samið var um snarl með miklum samningaviðræðum.
View this post on Instagram
Foreldrar sem ferðast með ung börn fá stundum á sig gagnrýni, sérstaklega frá virkum í athugasemdum. Kaleigh Kirkpatrick, forstjóri ferðaskrifstofunnar Shameless Tourist, getur sett sig í spor þeirra. „Ég hef heyrt allt, áhyggjur vegna svefns, rútínu og sérstaklega hugmyndinni um að ‚hún muni samt ekki muna eftir því, svo hvers vegna að fara?‘“ sagði Kirkpatrick um 13 ára dóttur hennar, sem fór sína fyrstu ferð aðeins þriggja vikna gömul.
„Ég hef líka rekist á þá frásögn að það sé einhvern veginn eigingjarnt eða yfirborðslegt að ferðast með ung börn,“ sagði Kirkpatrick. „Satt best að segja er foreldrahlutverkið ekki ein ákveðin aðferð. Við tökum öll ákvarðanir út frá gildum okkar, aðstæðum og því sem við teljum að muni þjóna börnum okkar best.“
Samkvæmt klíníska sálfræðingnum Michael G. Wetter er sannleikurinn miklu flóknari.
„Frá þroskasjónarmiði geta ung börn notið góðs af ferðalögum, jafnvel þótt þau hafi engar skýrar, sjálfsævisögulegar minningar um reynsluna,“ sagði Wetter við The Post.
Þetta endurspeglar „grundvallarreglu um snemmbúinn þroska barna: Nám á fyrstu árum lífsins á sér að mestu leyti stað í gegnum óbeina frekar en frásagnartengda ferla.“
Reynsla mótar „taugakerfi, getu til tilfinningastjórnunar, skynjunarsamþættingu og tengslamynsturs“ löngu áður en barn getur „meðvitað munað eftir tilteknum atburðum eða stöðum.“ Samt sem áður, leggur Wetter áherslu á, er þessi ávinningur mjög háður því hvernig fjölskyldur ferðast og „er langt frá því að vera sjálfvirkur,“ sagði hann.
Þegar ferðalög eru óskipulögð eða of krefjandi getur streitustjórnunarkerfi ungra barna orðið „ofþreytt“, sem leiðir til svefnröskunar og pirrings.
Hann segir að besta leiðin sé ferðalög sem eru „þroskamiðuð“ sem þýðir að foreldrar hægja á sér, passa upp á svefn, leyfa hvíldartíma og vera tilfinningalega til staðar í stað þess að eltast við að monta sig af draumalistanum.
Móðir Wilder fullyrðir að hún sé meðvituð um þetta jafnvægi. „Börn þurfa ekki að skilja alla merkingu staðar til þess að hann móti þau,“ sagði hún og segir að stærsta breytingin sem hún hafi tekið eftir hjá syni sínum sé sjálfstraust.
„Hann trúir því einlæglega að heimurinn sé aðgengilegur honum.“
View this post on Instagram
Ferðastíll fjölskyldunnar hefur þróast eftir því sem Wilder hefur elst. Knattspyrna er nú undirstaða margra ferðaáætlana. Ajax-fótboltaleikur í Amsterdam, Barcelona er næst svo hann geti séð FC Barcelona spila. Skóladagatal skiptir líka máli núna, sem veldur því að fjölskyldan nota skólafrí og langar helgar í ferðalög.
„Við vorum einu sinni í London og allt sem sonur minn vildi gera var að synda. Það endaði með því að vera ein af uppáhaldsminningum hans.“
Jafnvel á Suðurskautslandinu, eftir að hnúfubakur kom upp á yfirborðið við hliðina á bátnum þeirra, vildi Wilder bara leika í iPad-inum.
„Þegar þú sleppir þeirri hugmynd að hver sekúnda þurfi að vera Instagram-væn verða ferðalög svo miklu auðveldari,“ sagði Lippe-McGraw.
Þar sem fjölskyldan hefur sigrað sjö heimsálfur er hún hætt að nota gátlista og áfanga og í staðinn fá óskir hvers og eins að ráða frekar en að ná markmiði.
Gönguferðir til að sjá górillur eru á óskalista mömmu. Evrópskar fótboltabúðir eru efst á óskalista Wilders. „Þetta snýst ekki bara um að draga barn með sér lengur,“ sagði hún. „Þetta snýst um að byggja upp ferð sem líður eins og okkar og hans.“
